Nysnø og fint vintervêr torsdag
Torsdag morgon kan vi melde om ca 10 cm nysnø både nede på Harpefossen og på Furehogane, delvis skya opphold, ei og anna snøbyge og 5-6 minusgrader.
Litt for lite snø og litt for mykje stein i traseane til å opne Fjellheis J til topps eller heisen på Furehogane no på føremiddagen, men vi køyrer over med trakkemaskina og håpar å kunne opne på Furehogane i morgon når snøen har frose til, og vi kanskje har fått litt påfyll.
Nypreparert og fine forhold i dei traseane som er opne. Vi prøver å køyre over turløypene med rull i løpet av dagen.